مااعرفت ما اندير في العشا؟؟!!!!

كل يوم كنحيرو آش غنديرو العشاء اليوم ؟؟؟؟ Rolling Eyes

الفطور درناه و الغداء تهلينة في راسنا يا اما طجين الغنمي أو البقري بالخضرة , نعم أسيدي شي قصعة الكسكس
بسبع خضاري ولا بغينا نبدلو بالتفاية و الحمص , او الحوت مقلي ولا يمكن في الطاجين , ...اليوم نديرو التقلية راه توحشناها , شي كرعين بالحمص وأرا ماعندك من الشهيوات و لابغينا انقتاصدو نديرو العدس أو اللوبيا ... و مع هدشي كلو شي شلاظة , اما بصلة و ماطيشة أو شلاظة الخص و الخيار و مطيشة ...
و فوق من هدشي كلو الدسير اما ليمون أو بنان أو تفاح ولا شي عصير بارد المهيم ما انلقاو مشكيل . المشكيل فين كين هو غير كنساليو الغدا ء نبداو نفكرو
في العشاء هدشي علاش فضلت هاد الموضوع حتى نستافدو كلنا و الي عندها شي اقتراح تقدمو لينا مشكورة لا مأمورة والله لا يضيع أجر من أحسن عملا

1. الحريرة المغربية : ( الي قدماتها لينا الأخت نارا مشكورة عليها ) يمكن نرافقو ها بالتمر أو البيض مصلوق و الخبز .

2. المقرونية بمختلف أنواعها : بلصوص الطماطم أ مع قطع الدجاج أو كويرات الكفتة و أو بالخضر ممكن نعوضو المقرونية باسباكيتي

النصائح الممكن نقترحها

لما نشتري دجاج الأسبوع ناخو كمية نقطعوها قطع صغيرة و نديروها في الفريكو الى حين نحتاجوها .
.
نأخد الكفتة و نديرو ليها التوابل و نكورها و نضعها فوق صحن و ندخله االفريزر ( الكونجلاتور ) حتى تتجمد و نحتفظ بها عند الحاجة .
.
نأخد الخضرة حسب الاختيار نحكوها بالحكاكة و نديروها في المقلة مع شوية البزار الملح معيلقة الزبدة , و نخلطوها مع المقرونية أو سباكيتي الي سلقنا.

و نخلط الكل

و الله ولي التوفيق

في خدمتكم هيام اختصاصية الطبخ و الحلويات

Admin عدد المساهمات: 70 تاريخ التسجيل: 29/08/2011

Olah Ila Ga3 Had Lmakolat o Lwasafat Li Kadiré Zwinin O Ldade Bzaff Lah I3Tik Saha

HHHHHHHHHHHH HTA NTY RAH HAD L3CHA KAYTLF KOLCHI TANTLFO FIH LOL MHM CH HAJA KHFIFA

lah ya3tik sa7a lala bssa7 nit kantalfo fi l3cha

لالياتي الحادكات نكملو الموضوع ديالنا آش نديرو في العشا .
اليوم
غدي نتفننو في البيض البيض الحل السريع نبداو دقة دقة

المقادير

أمليط زربانة

4 بيضات
القزبر , معدنوس
ملح , ابزار , تحميرة
2 معالق زيت المائدة

الاضافات الممكنة

بصلة مشلظة مشحرة في قليل من الزيت
1 خيزو جزر محكوك مشحر في قليل من الزيت
حبة طماطم مقطعة مشحرة في قليل من الزيت
فلفل أحمر أو أخضر أو هما معا مشحرين في قليل من الزيت
كل هذه المكونات ممكن جمعها أو الاكتفاء بواحدة منها ,اذا كان الخليط تقيل ممكن اضافة البيض و هذا هو الفرق بين اأمليط و الطرطية .

الطريقة

نطربو البيض و نضيفو جميع العناصر ’ نسخنو المقلة من الأفضل الي ما كتلسقش نديرو الزيت و نفرغ الخليط و على نار مهيلة و نقلبوها بواسطة صحن .

كيف حالكم يا وردات
اليوم أحببت أن أقدم لكم أكلة خفيفة ولذيذة ويحبها الأطفال (يحبها طفلي كثيرا)

طرطية بالبطاطة

2 حبتين بطاطس من الحجم الكبير
كزبر , معدنوس
بصلة صغيرة محكوكة
ملح - كمون - إبزار - فلفل حلو أحمر - سكنجبير
5 بيضات

الاضافات الممكنة

قطع جبن من أي نوع واخا يكون عادي .
قطع زيتون أخضر
قطع فلفل حار

لطريقة

نقطع البطاطس قطع صغيرة ونسلقها ( ممكن نقليوها ) نصفوها ونوضعوها جانبا , في مقلاة ونضع البصل االمحكوك والتوابل وقليل من الزيت نشحروها ونضيف لها البطاطس حتي تنساجم العناصر نخلوها تبرد , نطربو البيض ونخلط الكل , في مقلاة نضع الزيت حتى تصبح ساخنة , ثم نفرغ الخليط و على نار مهيلة حتى الطيب و نقلبوها .

حتى يكتمل العشاء ممكن نرافقو الأمليط أو الطرطية بصلصة حارة و التكتوكة

هيام في خدمتكم

tbarkalah 3lik hadchi zuin cheers

o sujet mohim hta anao mama kanal9aw mochkil fi la3cha
o ba3d lmarat kandiro gouté o 3cha ex : barad diyal atay o msaman chahma rah kaychad achab3a
ola 7rira kif ma 9olti okankamlo la3cha bchi dessert flower

أختي عائشة حتى هذا اقتراح مزيان , المهم تكون شي وصفة في بالنا نديروها بلا ما انتلفو

موضوع زوين فعلا كانتلفو فالعشاء
انا الى مالقيت ماندير كانقطع البطاطا مربعات ونقليها (الكمية حسب عدد الاشخاص
كديريها فمقلاة طيفال وتخوي عليها 4 بيضات مخلطين مع الملحة وتنقصي العافية وتخليها طيب من الجهتين